April 04, 2015: Vawiin hian Mizoram Larsap ni turin Keshari Nath Tripathi chu rinawmna thu tiamtira lakluh a ni ang.
Mizoram Larsap nilai Dr. Aziz Qureshi chu sorkar laipui chuan a ban leh tak avangin Mizoram hmui turin West Bengal Larsap nilai Keshari nath Tripathi chu ruatin vawiin hian Aizawl a lo thlengh anga, tlai lamah lakluh a ni ang.
Mizoram Larsap atanga ban tak Dr. Qureshi chuan vawiin vek hian Aizawl chhuahsan a tum a, Mizoram nuam a ti a, Good Friday Mizorama hman a duh ve avangin Larsap ban tak hi a haw mai lo niin sawi a ni.
Qureshi hi March ni 28 khan sorkar laipui chuan a ban a, ban a nihna hi stay turin supreme court a ngen a, mahse a hlawhtling ta lo a ni.
Mizo Zirlai pawl chuan Sawrkar laipuiin Mizoram larsap a dah dan chu duh loh dahna atana hmang leh inhmuhsitna nia ngaiin lungawilohna lantira larsap thar hi lo hmuah an tum a, larsap lakluh laiin Raj Bhawan hung pawnah lungawilohna hi lantir an tum a ni.
Source: Mizo Special Report
0 comments:
Post a Comment