By Familia Fanai Laltansanga
April 04, 2015: Tualchhung football ngainatute tan chuan vawiin hi Lammual pan hun a ni. Chawhnu lam aṭanga zan thlengin inkhel thlir tur a awm ang.
NECS CUP 2015 Inter Village football tournament quarter final khelh chhunzawm a ni dawn a, tlai dar 3:00-ah Armed Veng leh ITI an inkhel ang a, zan dar 8:00-ah Tuikual South leh Bethehem Vengthang an inkhel bawk ang.
Nilaini zana inkhel tura ruahman tawh, Khatla leh Armed Veng South te chu chhum zin nasat avangin an khel thei lo a, vawiin chawhnu dar 1:00-ah an inkhel dawn a ni.
Tlai lam boruak
Armed Veng leh ITI inkhel tur hi a boruak a te thei lo. Armed Veng hi CYMA football-a record ṭha tak nei chung siin Local Council ang zawnga inelnaa neihah an la champion lo, ITI erawh thu hnaia rawn chho thar an ni.
ITI hian an captain Lalrammawia an chhawr thei tawh dawn lo a, ARC player hi Shillong-ah a chhuk leh tawh a, Armed Veng tan thu lawmawm a ni. Player langsar fal sawi tur nei lo ITI tan team thawhhona chu an hmachhuan tur a ni. An goalkeeper Lalremruata leh midfielder Jerry Zonunsanga te hi an innghahna tur a ni a, thlir bik a sual lo ang.
Tualchhung football a hnuhma neiṭha Armed Veng hian hma tawngah Mizoram Police winger Lalfakzuala an nei a, ani hi innghahna tham a ni. Midfield-ah Chammairi West winger Lalbiakhlua an kawl bawk avangin an goal nawr a nain team hlauhawm tak an ni a, veng mipuiin an ṭawiawm ṭhat bawk avangin beiseina an nei sang hle.
Eng nge an sawi?
ITI manager P. Mawia chuan, "Kan inbuatsaihna a ṭhat avangin kan zam lo. Armed Veng hi tawnhriat ngah leh team ṭha tak ni mah se hneh thei turin kan thawhhona a ṭah tawk a ni," tiin Vanglaini palai a hrilh.
Armed Veng manager Lalramchhuana chuan, "A sang pariat chinah chuan tumah team chhia an awm tawh loh avangin fimkhur takin kan khel ang. Chak ngei turin theih tawp kan chhuah dawn a, kan chak ngei pawh ka beisei," tiin team ṭha zawkah a inngai.
Zan lam boruak
Quarter final chinah chuan team chhia a awm theih tawh loh. Thla thum zet inbuatsaih tawh Bethlehem Vengthlang leh harh tharna chang Tuikual South inkhel tur hi a hmuhnawm ang.
Bethlehem Vengthang hian NECS Cup hi an la thu tak hle a ni tih a hriatna chu an inbuatsaihna hi a ni. BVT hian thla thum chuang inbuatsaih nan hun an hman tawh avangin player-te an fit ṭha hle. Player langsar fal sawi tur an nei lo a, tlarhnungah Zohmangaiha leh Laldinsanga te chu bang rinawm an ni.
Tuikual South hian basketball chauh ni loin football pawh an thiam tel tih an lantir mek zel. Tournament ṭan tirhah chuan team beiseiawm tak angin lang lo mah se tunah chuan a sang pariat zingah an inhlankai tawh avangin ngaihthah theih an ni lo.
Eng nge an sawi?
Bethlehem Vengthlang coach Vanlalngheta chuan,"Kan team hi kan inbuatsaihna a ṭhat avangin kan inringtawk hle. Player kan inlungrual a, kan fitness a ṭhat bawk avangin kan chak ka ring," tiin Vanglaini palai a hrilh.
Tuikual South coach HP Lalrinpuia chuan, "Pathian hruaina vangin tun hun hi kan thleng tawh a, min hruai zel ang tih ka ring. Kan thlen chinah hian kan lawm tawk tawh viau a, mah se a aia sang zawk pawh kan la thleng thei a ni," a ti.
Rinte chuan sawi chhunzawmin, "MPL leh first division player pakhatmah kan nei lo chungin kan thawhhona leh Pathian zarah tun hun hi kan thleng thei a ni," tiin a sawi. Tuikual South hian division sang player nei lo mah se ADFA hnuaia second division club nei thei an nih avangin dah hniam a thiang lo.
Ṭhut dan tur
Khatla, Armed Veng leh Tuikual South ṭantute K. Kawla Stand-ah ṭhut tur a ni a, Armed Veng South, ITI leh Bethlehem Vengthlang te Zomuanthanga Stand-ah ṭhut tur a ni.
Source: Vanglaini
April 04, 2015: Tualchhung football ngainatute tan chuan vawiin hi Lammual pan hun a ni. Chawhnu lam aṭanga zan thlengin inkhel thlir tur a awm ang.
NECS CUP 2015 Inter Village football tournament quarter final khelh chhunzawm a ni dawn a, tlai dar 3:00-ah Armed Veng leh ITI an inkhel ang a, zan dar 8:00-ah Tuikual South leh Bethehem Vengthang an inkhel bawk ang.
Nilaini zana inkhel tura ruahman tawh, Khatla leh Armed Veng South te chu chhum zin nasat avangin an khel thei lo a, vawiin chawhnu dar 1:00-ah an inkhel dawn a ni.
Tlai lam boruak
Armed Veng leh ITI inkhel tur hi a boruak a te thei lo. Armed Veng hi CYMA football-a record ṭha tak nei chung siin Local Council ang zawnga inelnaa neihah an la champion lo, ITI erawh thu hnaia rawn chho thar an ni.
ITI hian an captain Lalrammawia an chhawr thei tawh dawn lo a, ARC player hi Shillong-ah a chhuk leh tawh a, Armed Veng tan thu lawmawm a ni. Player langsar fal sawi tur nei lo ITI tan team thawhhona chu an hmachhuan tur a ni. An goalkeeper Lalremruata leh midfielder Jerry Zonunsanga te hi an innghahna tur a ni a, thlir bik a sual lo ang.
Tualchhung football a hnuhma neiṭha Armed Veng hian hma tawngah Mizoram Police winger Lalfakzuala an nei a, ani hi innghahna tham a ni. Midfield-ah Chammairi West winger Lalbiakhlua an kawl bawk avangin an goal nawr a nain team hlauhawm tak an ni a, veng mipuiin an ṭawiawm ṭhat bawk avangin beiseina an nei sang hle.
Eng nge an sawi?
ITI manager P. Mawia chuan, "Kan inbuatsaihna a ṭhat avangin kan zam lo. Armed Veng hi tawnhriat ngah leh team ṭha tak ni mah se hneh thei turin kan thawhhona a ṭah tawk a ni," tiin Vanglaini palai a hrilh.
Armed Veng manager Lalramchhuana chuan, "A sang pariat chinah chuan tumah team chhia an awm tawh loh avangin fimkhur takin kan khel ang. Chak ngei turin theih tawp kan chhuah dawn a, kan chak ngei pawh ka beisei," tiin team ṭha zawkah a inngai.
Zan lam boruak
Quarter final chinah chuan team chhia a awm theih tawh loh. Thla thum zet inbuatsaih tawh Bethlehem Vengthlang leh harh tharna chang Tuikual South inkhel tur hi a hmuhnawm ang.
Bethlehem Vengthang hian NECS Cup hi an la thu tak hle a ni tih a hriatna chu an inbuatsaihna hi a ni. BVT hian thla thum chuang inbuatsaih nan hun an hman tawh avangin player-te an fit ṭha hle. Player langsar fal sawi tur an nei lo a, tlarhnungah Zohmangaiha leh Laldinsanga te chu bang rinawm an ni.
Tuikual South hian basketball chauh ni loin football pawh an thiam tel tih an lantir mek zel. Tournament ṭan tirhah chuan team beiseiawm tak angin lang lo mah se tunah chuan a sang pariat zingah an inhlankai tawh avangin ngaihthah theih an ni lo.
Eng nge an sawi?
Bethlehem Vengthlang coach Vanlalngheta chuan,"Kan team hi kan inbuatsaihna a ṭhat avangin kan inringtawk hle. Player kan inlungrual a, kan fitness a ṭhat bawk avangin kan chak ka ring," tiin Vanglaini palai a hrilh.
Tuikual South coach HP Lalrinpuia chuan, "Pathian hruaina vangin tun hun hi kan thleng tawh a, min hruai zel ang tih ka ring. Kan thlen chinah hian kan lawm tawk tawh viau a, mah se a aia sang zawk pawh kan la thleng thei a ni," a ti.
Rinte chuan sawi chhunzawmin, "MPL leh first division player pakhatmah kan nei lo chungin kan thawhhona leh Pathian zarah tun hun hi kan thleng thei a ni," tiin a sawi. Tuikual South hian division sang player nei lo mah se ADFA hnuaia second division club nei thei an nih avangin dah hniam a thiang lo.
Ṭhut dan tur
Khatla, Armed Veng leh Tuikual South ṭantute K. Kawla Stand-ah ṭhut tur a ni a, Armed Veng South, ITI leh Bethlehem Vengthlang te Zomuanthanga Stand-ah ṭhut tur a ni.
Source: Vanglaini
0 comments:
Post a Comment