Vanneihthanga Vanchhong (SPECIAL REPORT)2nd June : Nizan dar 11 vel khan Zodinsanga kum 23 s/o Kawlthuama Durtlang North chu rul tur
Thudawn danin nizan khan Zodinsanga leh a thian te ho khawlai leng chu an in piah kawngpuia an awm laiin kawngchhak lam atangin rul a rawn tleng thla a, thah tumin an per tak tak hlawma an thian zinga pakhatin a rah beh lai chuan Zodinsanga hian a kutin man a tuma, a kut ding lam kut zungpuiah rul hian a lo chuk ta a ni. Zodinsanga a chuk hnu hian rul hi a tleng bova eng rul nge tih an hre lo.
Zodinsanga hian na a ti lem lova, a thian te nen chuan an leng ho leh mai a, cigarettes lei tumin dawr te a pana a hawng leh lam chu a thaw hahin a chau tan ta a ni.
A thian te chuan a chhungte hrilhin Durtlang damdawiin an panpui a, ventilator te vuahin theih ang angin damdawiinah hian an enkawl ta nghal a ni.
Hemi chungchangah hian Aizawl Civil Hospital-a ka thianpa Dr Jeremy chuan vawiin chawhnu lam khan min rawn phone-a, Durtlang tlangval pakhat rulin a chuk a, Durtlang Hospital-ah enkawl mek a ni a, a chanchin ka hriat danin a chuk tu rul hi Black krait ngei niin ka ringa, Civil Hospital lamah hian treatment tihna tura tul kan nei tha zawkin ka ring. Khawngaihin thian hmelhriat i neih ringin ka rawn phone ringawt mai che a nia. A chuk tu rul hi Black krait a nih chuan, a thih hman mai ka hlau a ni. Tlawmah la lo hram sela helamah rawn chhuk tir rang thei se ka van duh em.." tiin min rawn phone a, Durtlang damdawiin ka biak pawh thinna land line number chu ka han dial-a a ring quit thak thak mai a, hmanhmawh a na duh khawp mai. Ka phone ka thlak atangin number tamtak ka neih te a bo then a, eng tin tin emaw Dr Sanghluna phone number ka nei thei ta hram a. A nin hma la nghalin Civil Hospital lamah lak thlak a ni ta a ni.
Dr Jeremy hian rul chanchin hi a tuipui em em a, rul turin mihring taksa a tihchhiat dan leh a hnathawh dan pawh a zirin a hriatna pawh a zau em em a ni. Damlo awm dan leh a chanchin a hriatin a chuk tu rul hi neurotoxic venom nei chi ngei a nih a ring nghal a, zan lama chhuak chi a nih avangin Black krait a nih ngei a ring nghal bawk a ni.
Rul tur nei kan tihah hian chi hnih a awm a, an tur hnathawh dan pawh a in ang lova, a treatment pawh a dang daih a ni. Chung rul tur in anglo te chu Hemotoxic leh Neurotoxic te an ni a, hemotoxic hian thisen leh ti mur a ei chhia a, Neurotoxic erawh chuan hriatna thazam lam a ti chhe thung thin.
Black krait an tih mai te hi mizo te hian a hming kan nei chiah lova, mizo zinga rul lam chanchin zir mi kan neih Dr HT Lalremsanga chuan Hlaidum tiin a phuah. Black krait tur (Venom) hi neurotoxic a ni a, hriatna thazam a khawih chhia a, a chuk te pawhin na an ti vak ngai lova, a nat loh tlat avangin ngaihtha takin an awm a, a hnu lawkah lungphu a buai a, che thei lovin an chau nghal thuai thin. Rulngan tur (Venom) pawh hi neurotoxic venom a ni.
Black krait te hi metre 1 atanga metre 1.5 te pawh an tling thei a, rul lian lutuk erawh an ni hran lo. Zan lama chaw zawng chi an nih avangin zanah chuan an che rang em em a, chhun lamah erawh chuan an inkuala an awm zawi reng thin. Sazu leh laitel vel chaw atan an ei tlangpui thin.
Hman kuma Mamit nula chukhlum tu kha mithiam te chuan Black krait niin an sawi a, mizo zingah mi tamtak ten rul dum deuh chu rulngan kan tih mai thin avangin Mamit nula chuk hlum tu pawh kha rulngan niin mi tamtak chuan an sawi.
He chanchin ka buatsaih lai hian damlo enkawltu Dr Jeremy hian min rawn phone leh a, Zodinsanga hi Aizawl Civil Hospital an rawn luhpui hian fully paralysis a ni a, tunah chuan a kezungpui a chet thei tawha hma a sawn zel ka beisei tiin hlim takin min rawn hrilh a ni.
(Mithiam ka lo zui ve thinna atanga ka hriat ve ang ang te ka han sawi kual tel ta nual a, thenkhat tan ninawm a nih loh ka beisei..vnt)
chak tak Black Krait ni a hriatin a chuk a, tukin zing dar 1 vel khan Durtlang Damdawiin panpui a ni a, zanin dar 8 vel khan Aizawl Civil Hospital panpui leh niin tunah hian ICU-ah ventilator te nen enkawl mek a ni.
0 comments:
Post a Comment