Aizawl, April 6,2015:West Bengal Governor Keshari Nath Tripathi chu Mizoram Governor hna hmui turin April 4, 2015 tlai dar 4 khan Raj Bhavan Durbar Hall-ah rinawmna thu tiamtira lak luh a ni.
Larsap lak luhna inkhawm hi chief secretary Lalmalsawma'n a kaihruai a; Keshari Nath Tripathi chu Gauhati High Court judge Michael Zothankhuma rinawmna thu tiamtirin Mizoram Larsap atan a la lut a ni. Lak luhna inkhawmah hian chief minister Lal Thanhawla, minister te, parliamentary secretary te, MLA-te leh sorkar officer mi ṭhahnem tak an tel.
Keshari Nath Tripathi hi November 10, 1934-ah Allahabad, Uttar Pradesh-ah a piang a, a nupui Sudha Tripathi nen fa pathum an nei a, July 14, 2014 khan West Bengal Larsap atan lak luh a ni. November 27, 2014-ah Bihar Larsap hna hmui tura lak luh a ni a, January 6, 2015-ah Meghalaya Larsap atan lak luh a ni leh bawk.
BJP hruaitu hlun a ni a, Uttar Pradesh state BJP president hlui a ni. UP Assembly member turin ṭum nga thlan tlin tawh a ni a, Assembly Speaker leh cabinet minister hlui a ni. Amah hi thu leh hla lama tui a ni a, Hindi leh English-in lehkhabu ṭhahnem tak a ziak tawh.
Keshari Nath Tripathi hi Inrinni chhun khan Lengpui Airport-ah a lo thleng a, chief minister Lal Thanhawla hoin sorkar mi pawimawhte'n an lo hmuak a ni.
Keshri Nath Tripathi hi Central-a BJP/NDA sorkar hnu leh July 2014 hnua Mizoram Larsap atana ruat parukna a ni. July 9, 2014-ah Larsap ni lai Vakkom Purushothaman chu sorkar laipuiin Nagaland Larsap ni tura a sawn vangin a báng a, July 9-ah vek Gujarat Larsap Kamla Beniwal chu Mizoram Larsap atan lak luh a ni.
Kamla Beniwal chu August 6, 2014 zanah sorkar laipuiin a bàn a, August 8-ah Mizoram Larsap hna hmui turin Manipur Larsap Vinod Kumar Duggal lak luh a ni. August 24, 2014-ah Maharashtra Larsap K Sankaranarayanan chu Mizorama awm tura ruat/sawn a ni a, mahse ani hi chuan rawn zawm loin a báng. A hnu lawkah VK Duggal pawh Larsap a nihna aṭangin a bang ve leh bawk.
September 16, 2014-ah Meghalaya Larsap Dr KK Paul chu Mizoram Larsap hna hmui tel turin lak luh a ni a; January 9, 2015-ah Dr Aziz Qureshi lak luh a ni leh a, mahse ani pawh hi March 28 khan sorkar laipui chuan a bàn ve leh ta a ni.
BJP/NDA-in Mizoram Larsap a ruat tawh te
1 Kamla Beniwal 9-Jul-14
2 Vinod Kumar Duggal 8-Aug-14
3 K Sankaranarayanan 24-Aug-14
4 Dr KK Paul 16-Sep-14
5 Dr Aziz Qureshi 9-Jan-15
6 Keshri Nath Tripathi 4-Apr-15
Source: Vanglaini
Larsap lak luhna inkhawm hi chief secretary Lalmalsawma'n a kaihruai a; Keshari Nath Tripathi chu Gauhati High Court judge Michael Zothankhuma rinawmna thu tiamtirin Mizoram Larsap atan a la lut a ni. Lak luhna inkhawmah hian chief minister Lal Thanhawla, minister te, parliamentary secretary te, MLA-te leh sorkar officer mi ṭhahnem tak an tel.
Keshari Nath Tripathi hi November 10, 1934-ah Allahabad, Uttar Pradesh-ah a piang a, a nupui Sudha Tripathi nen fa pathum an nei a, July 14, 2014 khan West Bengal Larsap atan lak luh a ni. November 27, 2014-ah Bihar Larsap hna hmui tura lak luh a ni a, January 6, 2015-ah Meghalaya Larsap atan lak luh a ni leh bawk.
BJP hruaitu hlun a ni a, Uttar Pradesh state BJP president hlui a ni. UP Assembly member turin ṭum nga thlan tlin tawh a ni a, Assembly Speaker leh cabinet minister hlui a ni. Amah hi thu leh hla lama tui a ni a, Hindi leh English-in lehkhabu ṭhahnem tak a ziak tawh.
Keshari Nath Tripathi hi Inrinni chhun khan Lengpui Airport-ah a lo thleng a, chief minister Lal Thanhawla hoin sorkar mi pawimawhte'n an lo hmuak a ni.
Keshri Nath Tripathi hi Central-a BJP/NDA sorkar hnu leh July 2014 hnua Mizoram Larsap atana ruat parukna a ni. July 9, 2014-ah Larsap ni lai Vakkom Purushothaman chu sorkar laipuiin Nagaland Larsap ni tura a sawn vangin a báng a, July 9-ah vek Gujarat Larsap Kamla Beniwal chu Mizoram Larsap atan lak luh a ni.
Kamla Beniwal chu August 6, 2014 zanah sorkar laipuiin a bàn a, August 8-ah Mizoram Larsap hna hmui turin Manipur Larsap Vinod Kumar Duggal lak luh a ni. August 24, 2014-ah Maharashtra Larsap K Sankaranarayanan chu Mizorama awm tura ruat/sawn a ni a, mahse ani hi chuan rawn zawm loin a báng. A hnu lawkah VK Duggal pawh Larsap a nihna aṭangin a bang ve leh bawk.
September 16, 2014-ah Meghalaya Larsap Dr KK Paul chu Mizoram Larsap hna hmui tel turin lak luh a ni a; January 9, 2015-ah Dr Aziz Qureshi lak luh a ni leh a, mahse ani pawh hi March 28 khan sorkar laipui chuan a bàn ve leh ta a ni.
BJP/NDA-in Mizoram Larsap a ruat tawh te
1 Kamla Beniwal 9-Jul-14
2 Vinod Kumar Duggal 8-Aug-14
3 K Sankaranarayanan 24-Aug-14
4 Dr KK Paul 16-Sep-14
5 Dr Aziz Qureshi 9-Jan-15
6 Keshri Nath Tripathi 4-Apr-15
Source: Vanglaini
Update a awm tawh lo ve a??
ReplyDelete