Aizawl, Julyy 12, 2014: Congress party chuan thuchhuah siamin, MLTP Act hlîp a, awmze nei zawka zu khuahkhirhna dan, MLPC Bill 2014 hman a nih theihna tura Assembly session-a pu luttu Excise & Narcotics Minister R Lalzirliana chu huaisen an tih thu an tarlang a; bill pass-tu Congress MLA zawng zawng chungah lawmthu an sawi.
MPCC chuan, MLPC Bill sawihonaa House leader CM Lal Thanhawla’n, 'Kohhran thuawih lo kan ni lo a, sorkar anga kan tih tur, ram leh hnam tana tha tura kan ngaih a ni a, huaisen takin kan kal mai a ni,' a ti leh, 'Pathian pawi sawi kan hlau em em a, Pathian pawi sawi loh nan kan ṭawngṭai ve...' a ti chuan ram leh hnam a vei tak zet tih tilang niin an sawi.
MPCC chuan, MLPC Bill sawihonaah eptu MLA-te'n an ngaihdan dik tak an auchhuahpui ngam lo nia sawiin, "Bill pass a nih dawn a an chhuak kha pawi kan ti hle," an ti.
MPCC president Lal Thanhawla hian nimin khan Congress Bhavan-a political session-ah MLPC Bill chungchang a sawi a, "Zu hi sorkar angin kan buaipui ngai lo. Mahse, buaipui an awm a, ngaihtuah a ngai a. Dik lo taka inpuh tumna hi a tha lo a, sorkarin MLPC a ngaihtuah hian tumah a do lo a, thil ṭha a zawng mai a ni," a ti a; kohhran nen an thawkho ṭha niin a sawi.
- Source: vanglaini
0 comments:
Post a Comment