Aizawl, July 12, 2014: Khatla Local Council leh an veng chhunga kohhran, YMA, MUP leh MHIP-te chuan, Khatla veng huam chhungah zu zawrh leh zu zawrhna atana in/dawr luahtir phal a nih loh thu an puang.
Khatla LC, kohhran leh tlawmngai pawlte hi July 10 zan khan an kalkhawm a, Mizoram sorkarin The Mizoram Liquor (Prohibition and Control) Bill 2014 a pass tak chungchang an sawiho. Resolution an pass nghal a; "Khatla local council huam chhungah tumahin zu zawrh loh ni se kan ti," an ti a, "Khatla local council huam chhungah zu zawrh nana in luahtir/godown siam/zu sak (factory) phal loh ni se kan ti," an ti bawk.
Resolution-ah hian Local Council president, Khatla Presbyterian Kohhran aiawh, Khatla North Presbyterian Kohhran aiawh, New Secretariat Presbyterian Kohhran aiawh, BCM New Secretariat kohhran aiawh, MHIP president leh MUP aiawhte'n hming an ziak a ni.
- Source: vanglaini
0 comments:
Post a Comment