June 8, 2014: Nizan khan Pu lalringzuala, kum 52 Lungdai Sentlang veng chu rul chi khat Black Krait lamah a seh/chuk ta a ni.
(Hlaivawm) in a chuk hlum. Pu Lalringzuala hi nizan dar 8:30 khan an kawmchhak lama awm Pu Chhuanawma damlo kanin a lenga, Pu Chhuanawma te in a han thlen hian inchhungah chuan rul a lo awm a, an lo hlau hle mai a, Pu Lalringzuala hian hmawl sei vak lo lain rul chu a hawlh bet ta a. Tichuan rul lu lam pang rawn er chho chuan Pu Lalringzuala kut zung u zawn hnung
Rul hi an that nghal a, rul lian a ni lo va ft 2 vela sei lek , patling kutzungchal tiat vel a ni a , rul dum a ni a, ngho tha tak a neih bawk avangin a hmu hmasa tute chuan rulngan a ni ang an ti deuh mai a, mahse MZU lama rul chinchang hria helai hmun kal remchangte chuan endikin Mizovina Hlaivawm kan tih mai thin Black Krait ngei ani a, a pa a ni tih an finfiah ta a ni.
Pu Lalringzuala hi rul hian a chuk hnu hian na a ti lova, amaherawhchu rul ngho tha tak leh rulngan note nia an sawi avangin ngaithat nan Lungdai PHC ah kalpui ani a, amahin na a ti lova a taksaah danglamna engmah a awm loh avangin damdawi ina thawktute pawhin ngaihthatlohna nei lem lovin damdawi hotein an jection a an haw tir leh ta mai a ni.
In an thlen hnu lawk chuan Pu Ringzuala hi a thaw a hah a, a kha a chih tan ta mai a. A pum a nawm loh thu a sawi leh hnu lawkah chuan biak mumal theih lohin a awm zui ta mai a ni. Hemi hnu lawk hian damdawi in lam panpui niin amah hi a biak hleihtheih tawh loh a, tichuan zan dar 12:30 ah a chatthla zui ta a ni
Pu Ringzuala hi khawtlangah pawh in hmang tak YMA Branch Secy ni thin a ni a, sports lamah pawh theih angtawka inhmang thin a ni a. Serkhan middle school a zirtirtu hna thawk mek a ni. A nupui Pi Lalnunsangi nen fapa 2 leh fanu 3 an nei a, nupui fanau enkawltu, chhungkaw eizawngtu ber a ni.
0 comments:
Post a Comment