Apr 6, 2015, MSR: MSU chuan zirna Inah school timing chungchang sikul tinte zalenna a dah ni se tiin an thil phut nawr nan vawiinah school kal turte kal lo turin an ngen dawn.
Mizoram Sorkarin Mizoram chhunga Zirna In zawng zawngte hman tlan vek tura Sikul kai hun a sawn hma dawrh chungchangah he thil hi nu leh pa,zirlai thenkhat te tana harsatna thlen thei anih avanga MSU in a dodalna kal zelah "National Curriculam Framework, 2005 Chapter 4 in a sawi angin Sikul tan hun chu Sikul tinte zalenna ah dah ni se," tih Mizoram Sorkarin a hman ve phutin vawiin hian Aizawl khawpui chhung-a zirna In hrang hrangte in hawnglo turin MSU Gen. Hqrs chuan zirtirtute a ngen nawn leh a; nu leh pa te pawhin hemi ni tal hi chuan kan fate sikul kai tirlo turin an inngen nawn leh a ni.
Aizawl khawpui chhung sikul hrang hrang-ah MSU member an duty ang a, zirlai sikul kal turte pawh sikul kal lo tur leh In lama haw leh phawt turin MSU in a ngen dawn a ni.
Aizawl khawpui bakah MSU dinna hmun apiangah MSU Gen. Hqrs kalpui dan ang hian kalpui ve tur ani bawk. Saiha-ah chuan MSO Gen. Hqrs leh Lawngtlai-ah chuan LSA Gen. Hqrs in hmalakna an kalpui ang.
Source: Mizo Special Report
0 comments:
Post a Comment