2014 FIFA World Cup Brazil chu a hmawr bawk fel a lo ni dawn hnai ta a, Golden Ball dawng thei awm mi 10 hming puan a ni ta!
(An hming hi alphabetical Order anga ziak a ni.)
-Angel
Di Maria (Argentina); Lionel Messi nen inkawp rem em em tura Khuanu
duan emaw tih mai tur Di Maria hian inkhelh hi a thiam dangdai hle mai
a, an khingpui full-back ho tan tawrhhlehawm taka che thin, tlan chak
si,long ball leh dribbling leh finishing tha lutuk,Switzerland nen an
inkhelh tuma che bon tak kha a ni.
-Mats
Hummels(Germany); Borussia Dortmund centre-half Mats Hummels hi tun tum
World Cupa German ral ti lian reng tura an hnung dal Chatuan lungpui a
ni ringawt mai a,full-back ni chung sia hmatawn thei tur khawpa tha leh
zung nei,Portugal laka si thun thei leh Quarter-finals-a France nen an
inkhelh pawimawh lutuka kual nalh lutuk tak mai a tauh lut kha a ni e.
-Tony
Kroos (Germany); FIFA World cup trophy chawi tura mite rin kai ber
Brazil 7-1 tehmeuhva German rallianin an sawp tuma langsar tak Toni
Kroos khan khelmual laili-ah tibuaitu awm lovin a khawsa-in a chet
theihavanga kha thil ropui kha thleng a ni a, amah ngeiin si 2 a lo pet
lut zui.A inkhelh thiam dan hi Arsenal anga laipui titlawh fo ang mai
mai ni lovin a che tha mar pat(consistent) thei tlat a ni.
-
Philipp Lahm (Germany) ; He German Captain pa te ren rawn hian German
tan a thawhhlawk thei hle mai a,mual hnung ding lam atanga an hmatawng
te ball tha zet zet siam a thiam bakah a hun taka amah ngeiin a
hmatawngte va tanpui a thiam em em a,a mize nget tak hian a naute rilru
leh thlarau lamah chakna thar,phurna that, a siam thar leh thei tlat
thin a ni.
-
Javier Mascherano (Argentina); Argentina ball bawh natzia an sawi uar
rual rual a, tlar hnung nget tak leh khawng taka lo venghimtu chu tu
dang ni lovin Mascherano ngei mai hi a lo ni a,Netherlands pa lian leh
tha rum ngah tak tak lo dang zel tu kha he mihrang Mascherano ngei hi a
ni e.
-
Lionel Messi (Argentina); Hming thang hle e ti lovin Vanlal Messi hian
world Cupah tun hma-in goal a la thun lut ngai lo va, mite sawisel a
hlawh nasa nangiang reng a.A hun a lo thleng ta! 2014 FIFA World Cup-ah
zet zawng ‘a hunte- rah thin” ang khan a hun takah goal pawimawh a rawn
thun ta zat zat mai a, khawvel hian a chungah a mit a len a, a en a, a
thlir a, khawvel thinlai hi a tilawm a,a tilungawi a, lungruka hlawm
vengvengna a siamsak a ni e.
-
Thomas Muller (Germany); Inkhelh tanna-a Portugal nen an inkhelh khan
Thomas Muller,WC hma-a golden boot lo dawntu hian hat-trick a siam nghal
pang mai a, khawvelin inkhel thiam ber ena kan lo en Christiano Ronaldo
hmelhmuh tur awm lo leh lang lo khawp khan German khan inkhel a thunun
ta mai a.2014 world Cup chhunga a inkhelh dan hian German hmatawng muzuk
fei ki bar anga hlauhawm a nihzia a lantir thei reng ani.
-
Neymar (Brazil); Kum 22 mi lek la ni si a chungah khawvel mit a fu thup
mai a, he hrai leng Neymar khelmual chhunga a han chevel zet hi chu mi a
ni leng tan lo chuan hmuhnawm a tling hrim hrim mai a.Neymar hian
football a thiam, ti ve satlaih nazawng hian a thiamna chhan dik tak, a
tha chak zia,a tuan ran zia,a tlan chakzia leh a zuan san theih zia hi a
hre vek kher lo mai thei e!. Goal 4 a thun hman a,a inhliam tak avangin
khawvel leh a chhunga awm Brazil ramin a chunga rinna an lo nghah zawng
zawng a tham ral ta!
-
Arjen Robben (Netherlands);He Dutch pachal Vanlal Robben Ropuia hi a
thlawk thei emaw tih mai tur a tlan chak,ding lam mual kil atanga a
chhunga ball tlan luhpui thiam D line pawn atanga kawh zet-a pet lut
thei khawpa tuan rang leh thiam a ni a.Champion lai Spain an han sawp
hnehzia atang reng khan Robben Ropuia hi pa namai leh pa dar ben chu ani
lo tih kan hriat tlan kha!
-
James Rodriguez (Colombia); Colombian rawl thar sakhmeltha,amahah talent
ropui Siamtu Pathianin a phumru a ni rih khawvel hriat pui James
Rodriguez hian si ruk a thun tawh kha a ni a.Amah avang liau liau-va a
ram Colombia thlen san phahzia kan hria e.
GOLDEN BALL LO DAWNG TAWHTE;
1982 FIFA World Cup Spain: Paolo Rossi (Italy)
1986 FIFA World Cup Mexico: Diego Maradona (Argentina)
1990 FIFA World Cup Italy: Salvatore Schillaci (Italy)
1994 FIFA World Cup USA: Romario (Brazil)
1998 FIFA World Cup France: Ronaldo (Brazil)
2002 FIFA World Cup Korea/Japan: Oliver Kahn (Germany)
2006 FIFA World Cup Germany: Zinedine Zidane (France)
2010 FIFA World Cup South Africa: Diego Forlan (Uruguay)
The FIFA Technical Study Group;
World
Cup inkhel thiam zinga Adidas Golden Boot dawng tur leh Golden
ball,Silver ball leh Bronze ball dawngtu tur thlang tute hi The FIFA
Technical Study Group an ni a, Jean-Paul Brigger-a’n a ho va,an memberte
chu Gerard Houllier (France), Raul Arias (Mexico), Gabriel Calderon
(Argentina), Ricki Herbert (New Zealand), Abdel M. Hussein (Sudan), Ka
Ming Kwok (Hong Kong), Ioan Lupescu (Romania), Gines Melendez Sotos
(Spain), Tsuneyasu Miyamoto (Japan), Sunday Oliseh (Nigeria), Mixu
Paatelainen (Finland), Jaime Rodriguez (El Salvador) and Theodore
Whitmore (Jamaica) an ni a, an ni hian ngun tak leh uluk takin 2014 FIFA
World Cup Brazila inkhel match 64 chhunga inkhel thiam zinga goal
thunlut tam ber hnenah Golden Boot chawimawina an hlan thin a ni.
Adida
Golden Boot leh Golden ball,silver ball, bronze ball dawngtute hming hi
2014 FIFA World Cup Final khelh zawhah puan a ni ang.
0 comments:
Post a Comment