Serchhip, July 12, 2014: Serchhip district chhunga National School Safety Programme (NSSP) hnuaia sikul 150-a zirtirtute tan nimin khan DC conference hall-ah 'Sensitization Workshop on Non-Structural Mitigation in Schools under NSSP' neih a ni.
NSSP hi kum 2012 aṭanga kalpui tan niin Misoramah chuan Serchhip district leh Aizawl district-ah pilot project atan bul ṭan nan hman a ni. Serchhip district-ah hian NSSP hnuaiah sikul 150 thlanchhuah tawh a ni a, sikul thlanchhuah zawng zawngten Disaster Management Plan an siam vek tawh a ni.
NSSP school-te hnenah hian addl. DC VL Remliana chuan non-structural mitigation to schools fund first installment Rs. 5000 ṭheuh a hlan nghal a, sikul naupangte tana him lo bungrua senghawi/siamṭhat ngaite an siamṭha ang a; an siamthat hman leh siamthat hnu thlalak nen report an thehluh hnuah 2nd installment Rs. 4000 pek leh an ni ang.
Non-Structural Mitigation hi sikulah naupangte him taka an awm theihna tura hmalakna a ni a, school building leh bungrua chi hrang hrangte chu naupangte sahimna atana hlauhawma a awm leh awm loh enfiah a; a him zawk leh ṭha zawka ruahmanna siam a pawimawhziate inzirtir a ni.
- Source: vanglaini
0 comments:
Post a Comment