Aizawl, July 12, 2014: Taxation department minister Lalsawta hoin Taxation department hnathawkte nimin khan Secretariat Annexe conference hall-ah an ṭhukhawm. Meeting-ah hian kum 2013-14 chhungin Taxation department-in chhiah cheng vbc. 200.44 an hmuh thu tarlan a ni.
Meeting hi commissioner Lalthangliana Varte-in kaihruaiin, Lalsawta chuan Taxation department chu department danga a sem tur emaw, pek tur emaw nei ni lo, danin a tih anga mite hnen aṭanga chhiah la leh a khawntu an nih thu sawiin, "Heng chhiah chhunkhawmte hi mipuite enkawlna leh hmasawnna atan hman a ni," a ti.
Taxation department chu mite hnen aṭanga chhuhsaktu nia ngaih an nih thu sawiin Taxation Minister chuan, hetiang ngaihdan a awm avang hian, department a thawk a hnuai ber aṭanga a sang berte chu dawr nuam takni turin a fuih a ṭawngkam vin hmang ve hauh lo turin a chah bawk.
Lalsawta chuan tax leh non-tax revenue aṭanga sum tam zawk hmuh a nih theihna tur te, resource mobilization atan ruahmanna siam a, hma chak tak a lak mek a nih thute sawiin, "Nakin lawkah chuan bung thar kan kai dawn, hemi atan hian sorkar kalphung chu nasa taka tihdanglam a ngai dawn a ni," a ti.
Taxation department hi kum 1975 khan Land Revenue& Settlement deparment hnuaiah inspector of taxes pakhat nena bul ṭan a ni a, kum 1988 khan directorate hrana siam a ni. Tun dinhmunah thawktu a nghet 290 leh MR 96 an awm mek a ni.
- Source: vanglaini
0 comments:
Post a Comment