MZU-in graduate degree result a tichhuak

Aizawl, July 12, 2014: Mizoram University chuan July 10 tlai khan kumin May thlaa graduate degree course final exam result a tichhuak a; graduate thar mi 1,522 an awm. A pumpuiah Pachhunga University College-a Physics zirlai, Aloys Lalchunglura chu mark hmu sang ber a ni.

BA, B.Sc., B.Com., leh B.Sc. (Home Science) second semester-ah exam beitu 5,565 zinga 3,161 an pass a, pass percentage chu 56.81 a ni. An zingah hian kum 2013 regular batch te, kum 2012 leh kum 2011 batch repeater-te pawh an tel.

Fourth semester exam-ah zirlai 3,929 zinga 2,699 an pass a, pass percentage chu 68.69 a ni. Fourth semester result-ah hian kum 2012 regular batch leh kum 2011 batch repeater-te an tel.

Sixth semester (final exam)-ah chuan exam beitu zirlai 2,425 zinga 1,522 an pass a, pass percentage chu 62.76 a ni a, anni hi kum 2011 batch regular vek an ni.

Final exam result-ah hian, B.A-ah candidate 1,940 zinga 1208 (62.26%); B.Sc-ah candidate 272 zinga 160 (58.82%); B.Com-ah candidate 194 zinga 139 (71.64%); B.Sc. (Home Science)-ah candidate 19 zinga 15 (78.94%) an pass.

First division-a pass B.A-ah 280, B.Sc-ah 127, B.Com-ah 47, B.Sc (Home Science)-ah pariat an awm a; subject 20-a ti ṭha berte zinga 14 chu hmeichhia niin, paruk chu mipa an ni.

Subject tina topper-te

English	R Zothanmawia	PUC
Mizo	Laltlanmawia	HBC
Hindi	Purnima Malakar	GAC
Economic	Laldingpuii	HBC
Education	R Lalhmingsangi	PUC
Philosophy	Anthony Lalchhuanmawia	PUC
Political Science	Zonunmawii	GAC
Public Administration	H Remruatsangi	PUC
Sociology	Lalmuanpuii	TRC
Goegraphy	Lalrinkimi	PUC
Psychology	Laltlankimi Ralte	PUC
History	Deborah Lalhminghlui	PUC
Botany	F Lalsangpuii	PUC
Chemistry	Lalremsangi Khawlhring	PUC
Geology	M Lalruatfeli	PUC
Mathematics	Lalruatkima Vanchhawng	PUC
Physics	Aloys Lalchunglura	PUC
Zoology	F Lalchhanhimi	PUC
Commerce	K Vanlalnunpuia	HATIM
Home Science	Esther Lalnunpuii	Zirtiri RSC

- Source: vanglaini

Share on Google Plus