Aizawl, July 12, 2014: June 16, 2014 zing dar 6 vela Ch. Chhunga Truck Terminus, Rangvamuala kawng thlang khâma Lalkhawmawia (56), Bungkawn, Aizawl nam thlatu, Laltlanzova, Phuldungsei khua nia insawi chu nimin khan Court phalnain Court tualah Bungkawn mipuite hmuhtir a ni a, buaina tênau a chhuak.
Thu dawn danin, Lalkhawmawia chhungte'n Court-ah Laltlanzova hmuh an dil a, Court chuan phalsakin, Lalkhawmawia chhungte pali chuan Court chhungah Laltlanzova chu an hmu a, thu an zawt a ni. Hetih lai hian, Court tualah Bungkawn mi eng emaw zat an pungkhawm bawk.
Bungkawn mipuite chuan Laltlanzova hmel hmuh an dil a, chief judicial magistrate chuan phalsakin, police venhimna hnuaiah Laltlanzova chu mipui hmuh turin an pholang a ni. Chutih lai chuan mipui chuan Laltlanzova chu an bawh buai a, mahse kut an thlak hmain police-te'n an saseng hman a, mipuiin ûm zui mah se, hmun himah an dah thei a ni. Mipuite chu hun eng emaw chen Court tualah an awm a, mahse buaina dang a chhuak zui lo.
Vaivakawn police-te sawi danin, Lalkhawmawia leh Laltlanzovate hi June 16 zingah Rangvamualah an inhnial a, Laltlanzova chuan Lalkhawmawia chu khâmah a nam thla a ni. Lalkhawmawia hi damdawi-in panpui nghal a ni a, mahse a hnu lawka a hliam tuar loin a thi a ni.
- Source: vanglaini
Thu dawn danin, Lalkhawmawia chhungte'n Court-ah Laltlanzova hmuh an dil a, Court chuan phalsakin, Lalkhawmawia chhungte pali chuan Court chhungah Laltlanzova chu an hmu a, thu an zawt a ni. Hetih lai hian, Court tualah Bungkawn mi eng emaw zat an pungkhawm bawk.
Bungkawn mipuite chuan Laltlanzova hmel hmuh an dil a, chief judicial magistrate chuan phalsakin, police venhimna hnuaiah Laltlanzova chu mipui hmuh turin an pholang a ni. Chutih lai chuan mipui chuan Laltlanzova chu an bawh buai a, mahse kut an thlak hmain police-te'n an saseng hman a, mipuiin ûm zui mah se, hmun himah an dah thei a ni. Mipuite chu hun eng emaw chen Court tualah an awm a, mahse buaina dang a chhuak zui lo.
Vaivakawn police-te sawi danin, Lalkhawmawia leh Laltlanzovate hi June 16 zingah Rangvamualah an inhnial a, Laltlanzova chuan Lalkhawmawia chu khâmah a nam thla a ni. Lalkhawmawia hi damdawi-in panpui nghal a ni a, mahse a hnu lawka a hliam tuar loin a thi a ni.
- Source: vanglaini
0 comments:
Post a Comment