Aizawl, July 9, 2014: MNF party chuan, Aizawl Municipal Council-in September 1, 2014 aṭanga Aizawl khawpuia Property Tax lak a tum chu
MNF chuan thuchhuah siamin, Aizawlah mahni in luah chhungkua 26,110 leh mi in luah chhungkua 22,234 an awm a, mi in luah aia mahni in luah tam zawkna chu 3,876 chauh a nih thu an tarlang.
Sorkarin Property Tax a lak rualin in neitute'n in luah man an tisang ngei dawn tih a chian thu sawiin MNF chuan, "Sorkar leh in neitute an hlâwk zawk laiin, a tuartu tur chu in nei ve lo, rethei zawk chhungkuate an ni tih a chiang reng," an ti.
MNF chuan, India rama Municipalily awmna khawpuiah property tax an la vek tawh a nih pawhin, AMC chu la ding tìr, term khat pawh la hmang zo lo a nih avangin, India ram khawpui danga Municipal-te tih ang apiang Aizawla tih ve kher tum chu a la hun lo an tih thu an sawi.
Delhi-a Congress sorkar leh Mizorama Congress sorkarin sum dinhmun nasa takin an tichhia nia sawiin, MNF chuan, "Sum tuak nana zu zawrh leh retheite nghawng zawnga property tax lak tum hi ṭha kan ti lo hulhual a, Cabinet meeting-in a pawm tawh pawh sût leh kan phût a ni," an ti bawk.
Source: Vanglaini
0 comments:
Post a Comment