Aizawl, July 9, 2014:Governor Vakkom Purushothaman chuan vawiin hian Mizoram a chhuahsan dawn a, Mizorama a
Nimina Vanglaini palaiin a pisaa a kawmnaah Larsap chuan, lehkhathiamte'n hna hnuaihnung nia ngaihte an thawh duh loh avangin lehkhathiam tamna state-ah hna a vân ṭhin thu a sawi a, "Kan state Kerela hi lehkhathiam tamna ber state kan ni a, lehkhathiamte'n state dangah hna an thawk nasa hle. Mizo ṭhalaite pawhin state páwnah hna an zawng ṭan mek a, state páwna hna zawn hi uar deuh deuh se ka ti," a ti.
Mizoram Governor chuan, Mizo mipuite chu remna leh muanna duh an nih thu sawiin, "An lakah sawisel tur ka hre lo. State sorkar pawhin hmasawnna hna a thawk hnem hle a ni," a ti a; NLUP-in Mizoram economy- a chawi san ngei a beisei thu a sawi.
Vakkom Purusothaman hi Nagaland Governor tur leh Tripura hmui tura tih a ni a, mahse Governor hna hi a chelh chhunzawm tawh dawn lo. Zawhna chhangin Vakkom Purushothaman chuan, "Governor-a ruat kan nih dawnin ràwn kan ni a, transfer dawn pawhin ràwn kan ni tur a ni. Hetianga sorkar a inthlak vanga min ráwn miah loa min transfer ngawt hi ka duh lo," a ti.
Governor chu state-a constitutional head an nih avangin clerk-te anga duh duha sawn kual mai mai chi an nih loh thu sawiin, Purushothaman chuan, "Hetianga sorkar tharin hma an la hi ṭha ka ti lo tak zet a ni," a ti.
Vakkom Purusho thaman hian September 2, 2011-ah Mizoram Governor hna a zawm a, MM Lakhera a thlak a ni. Kerela aṭangin July 11-ah Nagaland Governor-a ruat a nihna a pawm tawh loh thu sorkar laipuiah thlen a tum tih a sawi.
Source: Vanglaini
0 comments:
Post a Comment