Aizawl, July 12, 2014: MNF president Zoramthanga chuan, Mizoram Liquor (Prohibition & Control) Bill, 2014 chu bill zawng zawng zingah harsatna tâwk nasa ber anih dawn thu leh, MLPC avangin zu zuar awma inngaite'n zu an zawrh dawn thu a sawi. MPCC president Lal Thanhawla chuan, MLPC Bill hnuaiah awmze neia zu an khuahkhirh tur thu a sawi bawk.
Zoramthanga hian nimin khan Mizo Hnam Runah thu sawiin, "Zu zuar awma inngaite'n zu an zuar dawn ta a ni. Chal hnawih sen a, coconut sawh keh a, bán sawm nei hmaa puja âwma inngaite an puja tawh bawk. Kohhran, NGO leh Zoram Kristiante hian kan tih âwma kan ngaih i ti ve tawh ang u," a ti.
MNF president chuan, kohhran leh tlawmngai pawlte'n an veng/khuaah zu zawrh an pha lo a nih chuan, zu zawrh a nih hmain zu avanga buaina a inṭan tur thu a sawi bawk.
MPCC president Lal Thanhawla pawhin nimin khan Congress Bhavan-ah thu a sawi a, "Zu khap burna dan hlîp a, awmze nei zawka zu khuahkhirhna dan hmang turin sorkar chu huaisen takin a kal a ni. Sorkar chu tlàwm a ṭul pawhin huaisen takin a tláwm a, Pathian ráwn chung zelin huaisen takin hna a thawk a ni," a ti.
Kum 1995-ah a kaihhruai sokar leh an party hmin zãn lo chungin kohhran duh danin zu khapna dan an siam thu sawiin, "Kohhran duh dan chu zahin zu khap a ni. Mahse, kohhran hruaitu zingah pawh zu khap burna dan duh lo an awm tho a, a huhoa an duh chu mimalin an duh lo a ni," a ti a; MLTP Act chu a hlawhtlin pawh an rin loh thu a sawi.
Mizo Hnam Runa inkhawma thusawitu dang, MNF treasurer Vanlalzawma chuan, MLPC Bill pass a nih chungchangah, "Bán tam lamah kan hneh lo a, Mizo mipui tam zawkte thlàwp erawh kan hlawh thoin ka hria," a ti.
Vanlalzawma chuan, budget session neih zawh tâkah member tlemtê ni mah se, an thlirna aṭang chuan an member-te an che ṭha hleah a ngai tih a sawi a; session chu ni thum chhung chauh awh ni mah se, MLPC Bill pharh a nih avangin mipuiin session an ngaihven ber ṭum nia a hriat thu a sawi bawk.
- Source: vanglaini
Zoramthanga hian nimin khan Mizo Hnam Runah thu sawiin, "Zu zuar awma inngaite'n zu an zuar dawn ta a ni. Chal hnawih sen a, coconut sawh keh a, bán sawm nei hmaa puja âwma inngaite an puja tawh bawk. Kohhran, NGO leh Zoram Kristiante hian kan tih âwma kan ngaih i ti ve tawh ang u," a ti.
MNF president chuan, kohhran leh tlawmngai pawlte'n an veng/khuaah zu zawrh an pha lo a nih chuan, zu zawrh a nih hmain zu avanga buaina a inṭan tur thu a sawi bawk.
MPCC president Lal Thanhawla pawhin nimin khan Congress Bhavan-ah thu a sawi a, "Zu khap burna dan hlîp a, awmze nei zawka zu khuahkhirhna dan hmang turin sorkar chu huaisen takin a kal a ni. Sorkar chu tlàwm a ṭul pawhin huaisen takin a tláwm a, Pathian ráwn chung zelin huaisen takin hna a thawk a ni," a ti.
Kum 1995-ah a kaihhruai sokar leh an party hmin zãn lo chungin kohhran duh danin zu khapna dan an siam thu sawiin, "Kohhran duh dan chu zahin zu khap a ni. Mahse, kohhran hruaitu zingah pawh zu khap burna dan duh lo an awm tho a, a huhoa an duh chu mimalin an duh lo a ni," a ti a; MLTP Act chu a hlawhtlin pawh an rin loh thu a sawi.
Mizo Hnam Runa inkhawma thusawitu dang, MNF treasurer Vanlalzawma chuan, MLPC Bill pass a nih chungchangah, "Bán tam lamah kan hneh lo a, Mizo mipui tam zawkte thlàwp erawh kan hlawh thoin ka hria," a ti.
Vanlalzawma chuan, budget session neih zawh tâkah member tlemtê ni mah se, an thlirna aṭang chuan an member-te an che ṭha hleah a ngai tih a sawi a; session chu ni thum chhung chauh awh ni mah se, MLPC Bill pharh a nih avangin mipuiin session an ngaihven ber ṭum nia a hriat thu a sawi bawk.
- Source: vanglaini
0 comments:
Post a Comment