Aizawl, July 11, 2014: Land Revenue & Settlement minister R Romawia chuan, kum li - 2010-11 leh 2013-14 inkar chhungin leiman leh in hmun lo ram chhiah aṭangin sorkarin Rs. 19,26,00,073 a hmuh thu House a hrilh.
MNF member Lalruatkima zawhna chhangin minister R Romawia chuan, leiman tihpun tum mek a nih thu a sawi a, "Leiman tihpun hi ṭum khata sang taka tihpun aiin, tlem tlema tihpun zin deuh hi sorkarin ṭha a ti," a ti.
Leiman tihpun tum chhan sawiin, R Romawia chuan, Revenue department-in kum khata pawisa a hmuh theih a la tlem hle a, sorkara sum chhûn luh a tam zawk theih nan tihpun tum a nih thu a sawi a, thil man pung zelah ram leilung hlutna a sàn tak vang a nih thu a sawi bawk.
Lalruatkima chuan, leiman tihpun tumna zat chu a sang hle dawna a lan thu leh Aizawl khawpuiah Property Tax lak tum mek a nih thu sawiin, leiman tihpunna chu ennawn turin a ngen a; Revenue minister chuan, a sang deuhin an hria a, en ṭhat mek a nih thu a sawi a ni.
Kum 4 chhunga leiman
| Kum | Leiman hmuh |
| 2010-11 | Rs. 5,30,80,888 |
| 2011-12 | Rs. 3,67,95,587 |
| 2012-13 | Rs. 4,30,95,682 |
| 2013-14 | Rs. 5,86,27,916 |
Source: Vanglaini
0 comments:
Post a Comment