Aizawl, Aprril 1, 2015: Mizorama zaipawl ṭha ber zinga mi leh hlun ber zinga mi, BESY Choir chuan nizan, Thawhlehni zan khan an music video album thar, Ringtu Ṭawngṭaina chu an tlangzarh.
Mizorama zaipawl ṭha bera thlan lo ni tawh, BESY Choir hian nikum khan Ringtu Ṭawngṭaina tih single music video leh Ka Lal I Ni tih music video te an lo tichhuak tawh a, YouTube lamah en theihin an dah nghe nghe. Heng an music video-te an dahna album hi an tichhuak ta a ni.
Ringtu Ṭawngṭaina album-ah hian hla sawm dah a ni a, heng zinga hla tam zawkte hi anmahni irawm chhuak leh kutkawih te a ni hlawm a, Acapella pakhat dah tel a ni bawk. Lei duh leh zuar chhawng duh tan Bible House, MG Road, Upper Khatlaah ngaihven theih a ni.
Source: Vanglaini
0 comments:
Post a Comment