Aizawl, July 18, 2014: Mizo Christian Fellowship of Singapore (MCFS) chuan thuchhuah siamin, Mizorama Mizote chu Myanmar passport hmanga Singapore-a hna thawk tura kal lo turin an chah a, "Myanmar passport siamsak theia inchhál mimal emaw agency emaw in tawng a nih chuan dan kalh a ni a, police-ah report tur a ni," an ti.
MCFS chuan, Singapore-ah Mizo housemaid (awmpui) an pung zel tih an sawi rualin, harsatna tâwk an awm tâk fo thu an sawi a; Mizoram (India) mi ni si, Myanmar passport hmanga Singapore-a kalte'n harsatna an tawhin inṭanpui a har ṭhin a, Myanmar leh Singapore sorkarin an hriat chhuah phei chuan thubuai lian tak siamsak theihna a nih thu an sawi.
MCFS chuan, Singapore chu dan khauh tak kenkawhna ram a ni tih sawiin, "Thil dik lo tite chu sorkarin a dîm lo hle. Bawlhhlawh a báwma paih loh vang ringawt pawha sum tam tham tak chawi theihna ram a nih avangin dan zawm mai a finthlak," an ti a; Myanmar sorkar pawhin passport-a thil dik lo tite chungah na taka action lak theihna dan a nei tih an tarlang.
Singapore-a domestic worker (house maid) hna thawk tura kum tlinga ngaih chu kum 23 tling chin an nih thu sawiin, MCFS chuan, kum tling ngei chauh kal turin an chah a, "Kum tling si lo, kum tling anga inziah hi sorkar dan bawhchhiatna a ni. Harsatna an tawhin inchhan a buaitlak hle. La nau lutuk hi chu anmahni pawh an insawi chhuak zo lo ṭhin a, fimkhur hle a ngai," an ti.
MCFS chuan, Singapore-a maid (awmpui) hna thawk turin rilru puitling tak put leh hrehawm ber pawh tawrh huama inbuatsaih a ṭul thu leh mi thuhnuaia kûn tur leh chhiahhlawh ni thei tura rilru siam lâwk a ngaih thu an sawi a; natna benvawn nei dama inngai tawh, hna hahthlak thawha na leh mai thei chite tan kal loh a ṭha ber tih an sawi bawk.
Singapore-a awmpui ni tura kalte chu an agency-te aṭangin an dikna chanvo (rights) zawt chhuak ngei tura chahin, MCFS chuan, "Agency laka an rights leh Singapore thlen huna an rights-te agency hnen aṭangin chipchiar takin an dil tur a ni," an ti.
- Vanglaini
MCFS chuan, Singapore-ah Mizo housemaid (awmpui) an pung zel tih an sawi rualin, harsatna tâwk an awm tâk fo thu an sawi a; Mizoram (India) mi ni si, Myanmar passport hmanga Singapore-a kalte'n harsatna an tawhin inṭanpui a har ṭhin a, Myanmar leh Singapore sorkarin an hriat chhuah phei chuan thubuai lian tak siamsak theihna a nih thu an sawi.
MCFS chuan, Singapore chu dan khauh tak kenkawhna ram a ni tih sawiin, "Thil dik lo tite chu sorkarin a dîm lo hle. Bawlhhlawh a báwma paih loh vang ringawt pawha sum tam tham tak chawi theihna ram a nih avangin dan zawm mai a finthlak," an ti a; Myanmar sorkar pawhin passport-a thil dik lo tite chungah na taka action lak theihna dan a nei tih an tarlang.
Singapore-a domestic worker (house maid) hna thawk tura kum tlinga ngaih chu kum 23 tling chin an nih thu sawiin, MCFS chuan, kum tling ngei chauh kal turin an chah a, "Kum tling si lo, kum tling anga inziah hi sorkar dan bawhchhiatna a ni. Harsatna an tawhin inchhan a buaitlak hle. La nau lutuk hi chu anmahni pawh an insawi chhuak zo lo ṭhin a, fimkhur hle a ngai," an ti.
MCFS chuan, Singapore-a maid (awmpui) hna thawk turin rilru puitling tak put leh hrehawm ber pawh tawrh huama inbuatsaih a ṭul thu leh mi thuhnuaia kûn tur leh chhiahhlawh ni thei tura rilru siam lâwk a ngaih thu an sawi a; natna benvawn nei dama inngai tawh, hna hahthlak thawha na leh mai thei chite tan kal loh a ṭha ber tih an sawi bawk.
Singapore-a awmpui ni tura kalte chu an agency-te aṭangin an dikna chanvo (rights) zawt chhuak ngei tura chahin, MCFS chuan, "Agency laka an rights leh Singapore thlen huna an rights-te agency hnen aṭangin chipchiar takin an dil tur a ni," an ti.
- Vanglaini
0 comments:
Post a Comment