Aizawl, July 18, 2014: Aizawl Municipal Council (AMC) councillor 10-te chuan nimin khan AMC-a sorkarna siam mektute'n majority an neih tawh loh thu Aizawl DC leh UD&PA director hnenah an thehlut. Hetih lai hian, AMC chairman CT Zakhuma chuan, AMC chu political ball anga hmang an awma a hriat thu a sawi.
AMC councillor 10-te'n resolution an siamah chuan, AMC chairman-in majority support a neih tawh loh thu an ziak a, "Chairman hi a office luah turin a tling tawh lo a ni. Chuvangin, a rang thei ang berin a office aṭang hian 'The Mizoram Municipalities Act, 2007 (as amended in 2009) hmangin chhuahtir tur a ni," an ti.
Lehkha thehluhah hian councillor 10 - Zarzoliana (ZNP), W Chhuanawma (ZNP), Lalchhuanmawii (ZNP), Biakthansanga (MNF), Lalrinenga Sailo (MNF), PC Lalhmingthanga (MNF), Zamanthangi (MNF), Lalmalsawmi (MNF), PC Lalruatsanga (MPC) leh C Lalsawivunga (MPC) ten hming an ziak a ni.
Lehkha thehluttu councillor-te'n ruahmanna an siam dan chuan, ZNP-in chairman nihna an chang ang a, vice chairman leh executive councillor pathum chu MNF-in pahnih, ZNP-in pakhat leh MPC-in pakhat an chang dawn a ni.
MNF councillor Lalrinenga chuan zawhna chhangin, AMC session neih hun leh no confidence motion put luh theih hun tur chu Aizawl DC kut a nih thu a sawi a, "Dan ang chuan DC-in ni thum chhungin action a la ang a, session hun a ruat tur a ni," a ti.
Lalrinenga chuan, nihna an inchuh lo a, an inhnawn zawk tih sawiin, chairman, vice chairman leh executive councillor turte chu party hotute thu thu a nih thu a sawi a, "Hming mala ruahmanna siam a la awm lo," a ti.
Hetih lai hian, CT Zakhuma chuan thuthar thehdarhtute zawhna chhangin, AMC councillor-te chuan lungrual taka hna an thawh tlan ṭhin thu a sawi a, "Inngeih taka kan awm laia hetiang boruak a awm hi vanduaithlak kan ti. Councillor-te hian kan duh dan chuan ṭha taka kan term hman zawh a ni vek a ni," a ti.
MNF, MPC leh ZNP councillor-te'n an thil tih chu an thinlung chhunga an duh dan a nih a rin loh thu sawiin, CT Zakhuma chuan, "Party mi nih chuan party hotute duh dan zawm a ngai a ni," a ti.
CT Zakhuma chuan, chairman a nihna aṭanga bânna thehluh a tum loh thu sawiin, "An duh ang ngeia min paihthlak hun ka nghak ang," a ti a; AMC chairman chu tu pawh ni se, a hun laia amah an ṭanpui ṭhin ang thoin, theihtawp chhuaha a ṭanpui tur thu a sawi.
AMC-ah hian councillor 19 an awm a, Congress-in councillor panga, MNF-in panga, ZNP-in panga leh MPC-in pali an nei a, Congress leh ZNP thawk dunin sorkarna an siam a ni. Tun hnai khan ZNP councillor pahnih leh MPC councillor pakhat chuan an party an chhuahsan a, sorkara tel ZNP councillor pathumte chuan MNF leh MPC nena thawhdun an remti thung.
Councillor pakhat Lalthanliana (MPC) chu MLA-ah thlan tlin a ni a, mahse anni pawh hian councillor aṭanga a la bân loh thu a sawi.
- Vanglaini
AMC councillor 10-te'n resolution an siamah chuan, AMC chairman-in majority support a neih tawh loh thu an ziak a, "Chairman hi a office luah turin a tling tawh lo a ni. Chuvangin, a rang thei ang berin a office aṭang hian 'The Mizoram Municipalities Act, 2007 (as amended in 2009) hmangin chhuahtir tur a ni," an ti.
Lehkha thehluhah hian councillor 10 - Zarzoliana (ZNP), W Chhuanawma (ZNP), Lalchhuanmawii (ZNP), Biakthansanga (MNF), Lalrinenga Sailo (MNF), PC Lalhmingthanga (MNF), Zamanthangi (MNF), Lalmalsawmi (MNF), PC Lalruatsanga (MPC) leh C Lalsawivunga (MPC) ten hming an ziak a ni.
Lehkha thehluttu councillor-te'n ruahmanna an siam dan chuan, ZNP-in chairman nihna an chang ang a, vice chairman leh executive councillor pathum chu MNF-in pahnih, ZNP-in pakhat leh MPC-in pakhat an chang dawn a ni.
MNF councillor Lalrinenga chuan zawhna chhangin, AMC session neih hun leh no confidence motion put luh theih hun tur chu Aizawl DC kut a nih thu a sawi a, "Dan ang chuan DC-in ni thum chhungin action a la ang a, session hun a ruat tur a ni," a ti.
Lalrinenga chuan, nihna an inchuh lo a, an inhnawn zawk tih sawiin, chairman, vice chairman leh executive councillor turte chu party hotute thu thu a nih thu a sawi a, "Hming mala ruahmanna siam a la awm lo," a ti.
Hetih lai hian, CT Zakhuma chuan thuthar thehdarhtute zawhna chhangin, AMC councillor-te chuan lungrual taka hna an thawh tlan ṭhin thu a sawi a, "Inngeih taka kan awm laia hetiang boruak a awm hi vanduaithlak kan ti. Councillor-te hian kan duh dan chuan ṭha taka kan term hman zawh a ni vek a ni," a ti.
MNF, MPC leh ZNP councillor-te'n an thil tih chu an thinlung chhunga an duh dan a nih a rin loh thu sawiin, CT Zakhuma chuan, "Party mi nih chuan party hotute duh dan zawm a ngai a ni," a ti.
CT Zakhuma chuan, chairman a nihna aṭanga bânna thehluh a tum loh thu sawiin, "An duh ang ngeia min paihthlak hun ka nghak ang," a ti a; AMC chairman chu tu pawh ni se, a hun laia amah an ṭanpui ṭhin ang thoin, theihtawp chhuaha a ṭanpui tur thu a sawi.
AMC-ah hian councillor 19 an awm a, Congress-in councillor panga, MNF-in panga, ZNP-in panga leh MPC-in pali an nei a, Congress leh ZNP thawk dunin sorkarna an siam a ni. Tun hnai khan ZNP councillor pahnih leh MPC councillor pakhat chuan an party an chhuahsan a, sorkara tel ZNP councillor pathumte chuan MNF leh MPC nena thawhdun an remti thung.
Councillor pakhat Lalthanliana (MPC) chu MLA-ah thlan tlin a ni a, mahse anni pawh hian councillor aṭanga a la bân loh thu a sawi.
- Vanglaini
0 comments:
Post a Comment