Chawlhbuk sakna tur thawhlawm báwm hûng

Aizawl, July 9, 2014: MZP chuan thuchhuah siamin, Borapansury-a Zofate Chawlhbuk an sak tawh, ṭha zawka sakna

turin thawhlawm thawh theihna remchang an siam tih an tarlang. Thawhlawm thawhna tur báwmte chu nimin khan MZP adviser L Malsawma Colney-in a sem chhuak a ni.

MZP president Lalhmachhuana chuan, Zofate Chawlhbuk an sak tum chu hnam thil a nih avangin Mizo mipui tam tak kutthlak duh leh thawhlawm thawh duh an awm avangin, MZP pisaa kal remchang lote tan báwm siamin hmun remchang laiah a hûng dawn tih a sawi a; mahni remchan ang ang thawh turin mipuite a ngen.

MZP thawhlawm báwm hùnnate chu - Kulikawn, Sikulpuikawn, Khatla kâwn, Vaivakawn, Zakamlova Hardware, Israel Point, Bazarpui, Millennium Centre kawt, Bawngkawn, Ṭhuampui, Zemabawk kâwn, Chaltlang Dawrkâwn, Ramhlun Industry Pêng, Leitan, New Secretariat kawt leh MZP Pisapui-te a ni a; July 18 thleng hûn a ni ang.

Source: Vanglaini

Share on Google Plus