July ni 9, 2014:Mizoram Sorkarin MLTP Act siam\hatna tura a duan The Mizoram Liquor (Prohibition &
Control) Bill 2014 chu Assembly-ah thehluh a ni tawh a. Naktuk khian Excise and Narcotics Minister R. Lalzirliana’n pulutin sawiho a pawm tum a ni ang.
Hetihlai hian, Excise and Narcotics depart-ment hotute chuan tun Assembly inkhawma putluh tum MLTP Act thlakna tur dan duan chu zu phal raina tur ni lovin khuahkhirh chunga in lova awm theilote’n zu \ha an in theihna tura ruahman a nih thu an sawi.
Mizoram Liquor (Prohibition and Control) Bill, 2014 putluh tur chungchanga zawh-na chhangin sorkar hotute chuan he dan hi Assembly-in a pawma hman a nih hnu-ah pawh zu leh a zawrh hi phalrai a nih dawn loh thu an sawi a.
Zu lei leh in thei chin pawh kum 21 tling chin a nih dawn thu leh kum 21 aia naupang hnena zu leitirtu chu na taka hrem theih a nih tur thu an sawi a. Zu lei theih zat pawh bithliah a nih dawn thu an sawi. Zu in hnu-a lirthei khalh pawh khap tlat a ni dawn a, hremna na tak an chunga lekkawh a ni ang a, rui chunga lirthei khalhte hi Police chauh ni lovin Excise officer te pawhin manin an hrem thei tawh dawn a nih.
0 comments:
Post a Comment